ANDECHA TURCIPIÉ

TURCIPIÉ: magaya (que queda al estrucir muncho la manzana) // sidra que queda al estrucir muncho la mazana y que tien un tastu amarguxo.

Como veis, nun tien nada que ver coles consecuencies fatales de dar mal un pasu de baille. Asina que yá sabéis, si dalgún de vosotros se manca,
dexamos claro que nun ye culpa nuestra.

Turcipié ye un términu sidreru, lo que da pie a pensar qu’a la xente del grupu gústamos la sidra. Asina ye, porque de los cuatro que somos, trés
fáenlo y bébenlo y el cuartu namás lo bebe, anque si cuadra, va echa-yos un gabitu pa la corchaera.

Formación de música tradicional con un repertoriu a costa fecha pensáu pa que la xente non sólo mos escuche, sinon que seyan parte activa, ello
ye, que canten o/y que baillen lo que nós tocamos.

Andecha Turcipié somos

• Xandru González: Gaita
• Paz González: tambor
• Chano Rodríguez: bombu
• Octavio Trapiella: cordión diatónicu